Еуролинк осигурување започна со работа на 2.12.2002 во Скопје, со 14 вработени, кои претставуваа спој на искуството и младоста, стручноста и ентузијазмот за работа.

Првата полиса за осигурување е издадена на 26.02.2003 година.

2003 г. – Први на пазарот промовиравме нов вид ризик во колективното осигурување од незгода – осигурување од тешки болести. Истата година за само неколку месеци, развивме најголема мрежа за дистрибуција на патничко осигурување преку туристичките агенции во земјата.

2005 г. – Првите подружници надвор од Скопје се отворени во декември 2005 година, во Битола, Охрид и во Штип, кога бројот на вработените е веќе 48 лица и пазарниот удел изнесува 6%.

2007 г. – Први на пазарот воведуваме нов вид  осигурување од одговорност на лекарите и здравствените работници. Истата година почнува забрзан раст на Друштвото и во следните неколку години се отворени уште 27 подружници и канцеларии, а бројот на вработени е зголемен на 205.

2008 г. – Два нови вида осигурување – од професионална одговорност и од одговорност за клинички испитувања.

2009 г. – Со преземање на акциите од другите основачи, GOFI –Group of Finance & Investment SA станува единствен акционер на Друштвото.

За неполни девет години, во 2011 година, Еуролинк Осигурување се позиционира на второ место на домашниот пазар на осигурување, а вкупната капитална позиција на Друштвото достигна ниво од  5,4 милиони евра, што претставува пораст од 70% во однос на почетниот акционерски капитал.

2012 г. –  првата осигурителна компанија на македонскиот пазар за осигурување што во година овозможи продажба на своите полиси преку интернет.

2013/2014 г. па до денес – Како резултат на се поголемата препознатливост на Друштвото, македонската јавност го избра Еуролинк Осигурување за Супер бренд.

2015 г. – Еуролинк осигурување станува лидер во продажба на приватно здравствено осигурување.

2016 г. – За првпат на пазарот во Македонија Еуролинк воведува Семејно приватно здравствено осигурување.

2017 г. – Еуролинк на македонскиот осигурителен пазар ја лансира Првата мобилна апликација EurolinkOsiguruvanje

2017 г. – второ место на пазарот за неживотно осигурување во Македонија, со над 30 подружници низ цела Македонија, околу 250 вработени, 300 алтернативни дистрибутивни канали  (туристички агенции,  банки, автодилери и др.).

2018 г. – Први на пазарот започнуваме со можноста за купување на полиса за регистрација на возило он-лајн

2019 г. – Први на пазарот воведуваме можност за онлајн купување на полиса за птиватно семејно здравствено осигурување

2020 г. – Единствен акционер станува Grazer Wechselseitige Versicherung AG (GRAWE Group), интернационална компанија со долга осигурителна традиција, со што Еуролинк осигурување станува дел од ова големо меѓународно осигурително семејство.

2021 г. – Првата онлајн филијала за осигурување на Еуролинк е прогласена за најуспешен проект во категорија за иновација и го освојува првото место во рамки на традиционалната годишна групациска средба на менаџментот на компаниите во групацијата GRAWE одржана во Грац.

2022 г. – Друштвото одбележува 20 години успешна работа на македонскиот осигурителен пазар. 

* * * * *   

Еуролинк осигурување од самиот почеток во потполност ги имплементира европските директиви во доменот на осигурувањето и IAIS (Меѓународна асоцијација на осигурителни супервизори) стандардите во клиентскиот сервис и менаџментот на услугите, вложува во постојано стручно усовршување на вработените, во најсофистицираната хардвер и софтвер-технологија, го следи и го антиципира развојот на осигурителниот пазар и  ги инкорпорира најдобрите светски искуства во работењето.

Еуролинк и понатаму ќе остане носител на иновативни потфати што го збогатуваат пазарот со нови производи и со нови вредности, водени од нашата цел да бидеме синоним за успех, доверба и за одговорност.

ДАЛИ СТЕ ЗНАЕЛЕ…

• Еуролинк е прва осигурителна компанија на македонскиот пазар за осигурување што го воспостави „Еуролинк 24“, центар за поддршка на клиенти, за полиси и штети, достапен 24/7;
• Еуролинк осигурување е првата осигурителна компанија на македонскиот пазар за осигурување што во 2012 година овозможи продажба на своите полиси преку интернет;
• Еуролинк осигурување е осигурителна компанија што прва воведе програма за лојалност за своите клиенти;
• Летната балетска школа, Школото за уметничко лизгање, уредување на читална и библиотека во Студентскиот дом „Гоце Делчев“, пешачка тура за разгледување на градовите „Мапа на културата“, поддршка на Македонска опера и балет, на фестивалот „Охридско лето“ и уште многу други активности се дел од платформата за општествена одговорност со наслов „Еуролинк – Вашата врска со вистинските вредности“;
• Еуролинк осигурување е компанија што инвестира во развојот на пазарот на осигурување преку вложување во нови технологии и пласирање на нови продукти за заштита на бизнисите и граѓаните;
• Еуролинк осигурување е прва осигурителна компанија која отвори онлајн филијала за осигурување со што овозможи одржување состанок со консултантите за осигурување преку мобилен телефон или лаптоп; 

Клучни бројки и податоци за Еуролинк осигурување за 2023 година.

Ние сме посветени на подобрување на животите на луѓето што ги допираме.

Обезбедувајќи најквалитетни услуги од доменот на осигурувањето, ние одговараме на потребите на пазарот на кој дејствуваме, со што им помагаме и на граѓаните и на компаниите да ја зголемат нивната сигурност, истовремено придонесувајќи и за добробитта на општеството во целост.

Нашата култура на работење се темели  врз непоколебливата верба во интегритетот и во чесноста, градејќи ги односите со клиентите и нашите, меѓусебни, со дигнитет и со почит, инвестирајќи во и растејќи заедно со вработените, бидејќи веруваме дека доброобразовани, постојано обучувани и задоволни вработени се најдобро основно средство за компанијата и придонес повеќе за пошироката заедница.

Ние тежнееме кон одличност. Внимателно бираме ризици и работиме сложно за да оствариме успех, профитабилност и растеж и во иднина. Постојано работиме да ја надградиме нашата репутација на компанија што е препознатлива по својата пристапност, професионализам, начин на работа, како и по  продлабочените  и квалитетни, долгорочни консултативни односи со клиентите.

Стремиме во нас да гледаат лидер во индустријата во поглед на задоволство на клиентите, раст на продажбата, квалитет на продуктите, финансиска моќ и профитабилност.